Announcements

Al-Mursalat

Translation:

بِسْمِ اللہِ الرَّحْمَـٰنِ الرَّحِيمِ
بنام خدائے رحمن رحیم
وَالْمُرْسَلَاتِ عُرْفًا
قسم ہے ان (فرشتوں)کی جو مسلسل بھیجے جاتے ہیں،
77:1
فَالْعَاصِفَاتِ عَصْفًا
پھر تیز رفتاری سے چلنے والے ہیں،
77:2
وَالنَّاشِرَاتِ نَشْرًا
پھر (صحیفوں کو) کھول دینے والے ہیں،
77:3
فَالْفَارِقَاتِ فَرْقًا
پھر (حق و باطل کو) جدا کرنے والے ہیں،
77:4
فَالْمُلْقِيَاتِ ذِكْرًا
پھر یاد (خدا دلوں میں) ڈالنے والے ہیں،
77:5
عُذْرًا أَوْ نُذْرًا
حجت تمام کرنے کے لیے ہو یا تنبیہ کے لیے:
77:6
إِنَّمَا تُوعَدُونَ لَوَاقِعٌ
جس چیز کا تم سے وعدہ کیا جاتا ہے وہ یقینا واقع ہونے والی ہے۔
77:7
فَإِذَا النُّجُومُ طُمِسَتْ
پس جب ستارے بے نور کر دیے جائیں گے،
77:8
وَإِذَا السَّمَاءُ فُرِجَتْ
اور جب آسمان میں شگاف ڈال دیا جائے گا،
77:9
وَإِذَا الْجِبَالُ نُسِفَتْ
اور جب پہاڑ اڑا دیے جائیں گے،
77:10
وَإِذَا الرُّسُلُ أُقِّتَتْ
اور جب رسولوں کو مقررہ وقت پر لایا جائے گا۔
77:11
لِأَيِّ يَوْمٍ أُجِّلَتْ
کس دن کے لیے ملتوی رکھا ہوا ہے؟
77:12
لِيَوْمِ الْفَصْلِ
فیصلے کے دن کے لیے۔
77:13
وَمَا أَدْرَاكَ مَا يَوْمُ الْفَصْلِ
اور آپ کو کس چیز نے بتایا کہ فیصلے کا دن کیا ہے؟
77:14
وَيْلٌ يَوْمَئِذٍ لِلْمُكَذِّبِينَ
اس دن تکذیب کرنے والوں کے لیے ہلاکت ہے۔
77:15
أَلَمْ نُهْلِكِ الْأَوَّلِينَ
کیا ہم نے اگلوں کو ہلاک نہیں کیا تھا؟
77:16
ثُمَّ نُتْبِعُهُمُ الْآخِرِينَ
پھر بعد والوں کو بھی ہم ان کے پیچھے لائیں گے۔
77:17
كَذَٰلِكَ نَفْعَلُ بِالْمُجْرِمِينَ
مجرموں کے ساتھ ہم ایسا ہی کرتے ہیں۔
77:18
وَيْلٌ يَوْمَئِذٍ لِلْمُكَذِّبِينَ
اس دن جھٹلانے والوں کے لیے ہلاکت ہے۔
77:19
أَلَمْ نَخْلُقْكُمْ مِنْ مَاءٍ مَهِينٍ
کیا ہم نے تمہیں حقیر پانی سے خلق نہیں کیا؟
77:20
فَجَعَلْنَاهُ فِي قَرَارٍ مَكِينٍ
پھر ہم نے اسے ایک محفوظ مقام میں ٹھہرائے رکھا۔
77:21
إِلَىٰ قَدَرٍ مَعْلُومٍ
ایک معین مدت تک کے لیے۔
77:22
فَقَدَرْنَا فَنِعْمَ الْقَادِرُونَ
پھر ہم نے ایک انداز سے منظم کیا پھر ہم بہترین انداز سے منظم کرنے والے ہیں
77:23
وَيْلٌ يَوْمَئِذٍ لِلْمُكَذِّبِينَ
اس دن جھٹلانے والوں کے لیے ہلاکت ہے۔
77:24
أَلَمْ نَجْعَلِ الْأَرْضَ كِفَاتًا
کیا ہم نے زمین کو قرار گاہ نہیں بنایا،
77:25
أَحْيَاءً وَأَمْوَاتًا
زندوں کے لیے اور مردوں کے لیے،
77:26
وَجَعَلْنَا فِيهَا رَوَاسِيَ شَامِخَاتٍ وَأَسْقَيْنَاكُمْ مَاءً فُرَاتًا
اور ہم نے اس میں بلند پہاڑ گاڑ دیے اور ہم نے تمہیں شیرین پانی پلایا۔
77:27
وَيْلٌ يَوْمَئِذٍ لِلْمُكَذِّبِينَ
اور اس دن جھٹلانے والوں کے لیے ہلاکت ہے۔
77:28
انْطَلِقُوا إِلَىٰ مَا كُنْتُمْ بِهِ تُكَذِّبُونَ
اب تم لوگ جاؤ اس چیز کی طرف جسے تم جھٹلاتے تھے۔
77:29
انْطَلِقُوا إِلَىٰ ظِلٍّ ذِي ثَلَاثِ شُعَبٍ
چلو اس دھویں کی طرف جو تین شاخوں والا ہے۔
77:30
لَا ظَلِيلٍ وَلَا يُغْنِي مِنَ اللَّهَبِ
نہ وہ سایہ دار ہے اور نہ آگ کے شعلوں سے بچانے والا ہے۔
77:31
إِنَّهَا تَرْمِي بِشَرَرٍ كَالْقَصْرِ
یقینا یہ دھواں ایسی چنگاریاں اڑائے گا جو محل کے برابر ہیں۔
77:32
كَأَنَّهُ جِمَالَتٌ صُفْرٌ
گویا وہ زرد رنگ کے اونٹ ہیں۔
77:33
وَيْلٌ يَوْمَئِذٍ لِلْمُكَذِّبِينَ
اس دن جھٹلانے والوں کے لیے ہلاکت ہے۔
77:34
هَٰذَا يَوْمُ لَا يَنْطِقُونَ
یہ وہ دن ہے جس میں وہ بول نہیں سکیں گے۔
77:35
وَلَا يُؤْذَنُ لَهُمْ فَيَعْتَذِرُونَ
اور انہیں اجازت نہیں دی جائے گی کہ وہ عذر پیش کریں۔
77:36
وَيْلٌ يَوْمَئِذٍ لِلْمُكَذِّبِينَ
اس دن جھٹلانے والوں کے لیے ہلاکت ہے۔
77:37
هَٰذَا يَوْمُ الْفَصْلِ ۖ جَمَعْنَاكُمْ وَالْأَوَّلِينَ
یہ فیصلے کا دن ہے، ہم نے تمہیں اور پہلوں کو جمع کیا۔
77:38
فَإِنْ كَانَ لَكُمْ كَيْدٌ فَكِيدُونِ
اب اگر تم حیلہ کر سکتے ہو تو میرے مقابلے میں حیلہ کرو۔
77:39
وَيْلٌ يَوْمَئِذٍ لِلْمُكَذِّبِينَ
اس دن جھٹلانے والوں کے لیے ہلاکت ہے۔
77:40
إِنَّ الْمُتَّقِينَ فِي ظِلَالٍ وَعُيُونٍ
تقویٰ اختیار کرنے والے یقینا سایوں اور چشموں میں ہوں گے۔
77:41
وَفَوَاكِهَ مِمَّا يَشْتَهُونَ
اور ان پھلوں میں جن کی وہ خواہش کریں گے۔
77:42
كُلُوا وَاشْرَبُوا هَنِيئًا بِمَا كُنْتُمْ تَعْمَلُونَ
اب تم اپنے اعمال کے صلے میں خوشگواری کے ساتھ کھاؤ اور پیو۔
77:43
إِنَّا كَذَٰلِكَ نَجْزِي الْمُحْسِنِينَ
ہم نیکی کرنے والوں کو ایسا ہی صلہ دیتے ہیں۔
77:44
وَيْلٌ يَوْمَئِذٍ لِلْمُكَذِّبِينَ
اس دن جھٹلانے والوں کے لیے ہلاکت ہے۔
77:45
كُلُوا وَتَمَتَّعُوا قَلِيلًا إِنَّكُمْ مُجْرِمُونَ
کھاؤ اور تھوڑے دن مزے کرو، یقینا تم مجرم ہو۔
77:46
وَيْلٌ يَوْمَئِذٍ لِلْمُكَذِّبِينَ
اس دن جھٹلانے والوں کے لیے ہلاکت ہے۔
77:47
وَإِذَا قِيلَ لَهُمُ ارْكَعُوا لَا يَرْكَعُونَ
اور جب ان سے کہا جاتا ہے کہ رکوع کرو تو رکوع نہیں کرتے۔
77:48
وَيْلٌ يَوْمَئِذٍ لِلْمُكَذِّبِينَ
اس دن جھٹلانے والوں کے لیے ہلاکت ہے۔
77:49
فَبِأَيِّ حَدِيثٍ بَعْدَهُ يُؤْمِنُونَ
پس اس (قرآن) کے بعد کس کلام پر ایمان لائیں گے؟
77:50